El colectivu vecinal contra la contaminación, concienciáu colos problemes ambientales que sufre Llugones y el so entornu tomó la decisión de facer llegar a la corporación del Conceyu Siero la so intención de tomar parte activa énte estos problemes, que consideramos d’interés máximu, si tenemos en cuenta qu’afeuten direuta y diariamente a toes y caúna de les persones residentes de Llugones y el so entornu.
Esti colectivu ta dispuestu a apoyar a la mencionada corporación en cuantes a midíes que tea dispuesta a aportar, y tamién, en llegando’l momentu, esixir que se cumplan les normatives vixentes de calidá ambiental, (emisiones industriales, tráficu, depuración d’agua, golores, etc.). De mano queremos promover que se realice un estudiu detalláu y independiente pa determinar los focos de contaminación y tamién les causes y efectos que tienen na población, agua y zones verdes. Proponemos tamién, como forma de participación democrática, formar parte activa de les decisiones futures que se puedan llegar a tomar, contando con un representante del nuestru colectivu.
NECESITAMOS LA TO FIRMA PA PRESIONAR, Y SACAR ALANTRE UN ESTUDIU D’IMPAUTU AMBIENTAL, ¡POLA NUESTRA SALÚ Y LA DE LES XENERACIONES VINIENTES!
LA TO COLLABORACIÓN YE NECESARIA.
No hay comentarios:
Publicar un comentario