La plataforma ciudadana contra la contaminación en Llugones, acabante constituyir, felicítase de la información qu’apaeció nos medios de comunicación, onde s’informa de la primer reunión a nivel Consistorial y que trató sobre esti tema.
Considera mui importante l’estudiu técnicu pa poder detectar les causes de la contaminación "de manera completa y oxetiva" en pallabres del nuestru alcalde.Y a partir d’equí poder empecipiar a dar soluciones reales y nun poner paños calientes mirando pa los interés particulares que pudieren tar en xuegu.
La plataforma ciudadana contra la contaminación en Llugones va dar un plazu prudencial pa que s’acabe y se presente l’estudiu mencionáu, que nunca va ser mas allá de principiu de la seronda d’esti añu; y va esixir la puesta en práctica de les conclusiones, llegando a les movilizaciones si ello fuera menester. La plataforma toma mui en serio’l tema y recalca que nun tamos falando de coses menores, como si peatonalizamos parcial o totalmente una cai, sinón de la salú nuestra y de los nuestros fíos.
